رواية الفراشة_الفصول الأخيرة _للكاتبة روتيلا

ايه يرجع اللي حاربنا سنين أنه ينتهي .. 
روتيلا تبتعد عنه وتواجهة عارفة ..بس ده ما يمنعش أنك كنت قاسې معايا
ينظر صقر لها قليلا وبتوتر أنا مش عارف كنت ساعتها بعاقبك ولا بعاقب اصرارك على حماية خالد ..أنا فعلا كنت ممكن أعالج المشكلة بعيد عنك يعني كنت هاتصل بالحاج راشد أو أبو خالد ..بس جاني فضول أعرف رد فعلك ..وبصراحة فاجأتيني ..اتعودت معاكي لما أكون عصبي و غاضب تمتصي ڠضبي ..لكن اللي حصل العكس 
روتيلا تنظر له بحزن ڠصب عني حسيت أنك فعلا هاتأذي خالد لو ظهر أنا أول مرة اشوفك بالعصبية دي ..أول مرة تعاملني كدة ..أنا اټرعبت منك يا صقر أول مرة أخاف ..منك 
احتواها صقر بين ذراعيه وهو يمسح على رأسها وظهرها وبهدوء شديد أنا أسف ححبيبتي ..مش هاتتكرر تاني أبدا ..أبدا 
تبتعد روتيلا قليلا وتنظر لعينة وعد 
يبتسم صقر لعينها وعد 
يدخل الحاج راشد ومعه جمال الصالون 
 السلام عليكم 
 وعليكم السلام 
تجري روتيلا نحو والدها أخبارك بابا ..أتأخرت ليه 
الحاج راشد يسلم على صقر ثم يجلس وروتيلا بجانبة لسة أختك وجوزها ماشين بعد قراءة الفاتحة ...ثم ينظر لصقر ...المشروع قرب ينتهي 
صقر وعينة على روتيلا التي تمسك بذراع والدها وتضع رأسها على كتفة كقطة صغيرة شقية فيشعر بضيق عكس كلامة الحمد لله كويس جدا ..الإفتتاح الأسبوع الجاي 
روتيلا تنظر لأخوها جمال المتجهم مبارك أبيه ..بارك الله لهما وجمع بينهم في الخير إن شاء الله .
ينظر لها جمال بتمعن وبصوت عالي و بحدة فاجأتهم إن شاء الله ..وأنتي أمتى تعقلي وتروحي مع جوزك ..صقر بيه واحنا صبرنا عليكي بما فيه الكفاية ...وأنتي سايقة الدلع ..وكمان مش مقدرة انشغال جوزك ..انتي عارفة ......
يقاطعة صوت الحاج راشد وصقر العالي معا متكلمهاش كدة ..
ثم يصمت صقر ويقف يمسح على وجهة بعصبية معطيهم ظهرة ..ثم يعود لمكانة ونظره مع روتيلا التي انكمشت على نفسها و ابتعدت عن والدها ونظرت في الأرض بخجل ..
الحاج راشد بحزن يا جمال يا ابني ..بنتي قاعدة في بيت أبوها براحتها.. بتعمل كدة في حياة عيني لما أموت هاتعمل فيها إيه يعني متلاقيش بيت أخوها مفتوح لو أحتاجتك 
يقف جمال سامحني يا غالي ...ثم يقرب من روتيلا وبهدوء.. ححبيبتي أنتي عارفة غلاوتك عند أخوكي وحاسة بيا صح ..تحرك روتيلا رأسها بنعم لأخوها وهي تسمع دقات قلبة المتسارعة ...ويكمل جمال كلامة روتيلا جوزك في نظري راجل يستحق منك تسامحية ..في الزمن ده يا بنتي صعب أنك تلاقي راجل يعتمد علية وتديله بنتك وأنتي مطمنة ..فاهماني 
ترفع روتيلا برأسها وتنظر مباشرة في عين أخوها الحزينة فاهماك وحاسة بيك ..ربنا يريح بالك يا ابيه ... ثم تنظر لصقر الذي كان سرحان في حوارهم الذي شعر أنه ورائة أكثر من المعنى الظاهر أمامة ..فيبتسم لعين روتيلا وبتحدي وصلها أن ترفض يجلس بأريحية ويوجة كلامة للشيخ راشد يا حاج لو سمحت هاخذ روتيلا معايا ..
ينقل الحاج راشد بنظرة بينه وبين روتيلا التي تنظر لصقر بتحدي هي الأخرى فيبتسم بتفهم وأنا موافق.. روتيلا يا بنتي روحي جهزي نفسك علشان تمشي مع جوزك 
جمال بقلق وضيق من الموقف يا حاج أعذرني ..خليها براحتها ..
الحاج راشد لأخلاص بنتي هاتروح مع جوزها ..صح يا روتيلا 
........قصر الچارحي ........
.......جناح صقر ......
تدخل الجناح بخطوات مترددة خجولة يتبعها صقر تبحث بعينها عن أشياء صقر ولم تجدها فتنظر للأرض بحزن أدركة صقرها وتجلس على الأريكة ليجلس بجانبها  زعلانة ليه ..ندمتي انك جيتي معايا 
تحرك روتيلا براسها بلا وهي لازالت على وضعها ...........
يمسك صقر يدها ويرفع وجهها لينظر لعينها كان مستحيل أرجع حاجتي جناحنا وأنتي مش موجودة فيه مقدرتش أرجعله من غيرك أنا حتى كنت بنام في المكتب ...تعبني فراقك يا فراشتي
روتيلا وبهدوء ولما كنت حابسني هنا.. 
صقر يغمض عينة يتذكرما أقترفة بحقها ثم يواجهة الخضرة في عينيها كان مصبرني إني كنت بتنفس أنا وأنتي نفس الهوا ..أرجوكي تنسي يا روتيلا .. طول الأيام اللي كنتي بعيدة فيها عني وأنا بفكر إزاي أخليكي تسامحيني ..اطلبي اي شيئ يرضيكي انا موافق 
تبتسم روتيلا لعينة وأنا نسيت ..خلاص أنسى 
يحاوطها صقر و ساد صمت طويل يعبر فيها عن شوقة لها ثم يبعدها عنه وهو يمسح بيده على وجهها