رواية مغامرات ابناء العاصي بقلم ميادة مأمون

يا ختي واخوها وابوها اللي بتقولي عليهم دول بيعشقو القعده هنا في الجمالية
ولازم تفهمو ان ابوكم لما عملكو اللي انتو عايزينو وجاب الڤيلا وفرشها دا عشان ماتحسوش انكم اقل من حد.
ولازم برضو تفهمو انه متمسك بالعيشه هنا عشان جدكو مايقدرش يسيب البيت ده ولا الوكالة اللي هي كل حياته
فايريت بقى تبطلو هبل ودماغكو دي تتعدل وتبطلو تمشو ورا المغرورة دي
روقيه خلاص يا عدي اهدى يا حبيبي هما عارفين الكلام ده كويس صح يا بنات
وقفت تيا من علي مقعدها واقتربت منه وهي تصيح بمرح
خلاص بقى يا ديدو متزعليش يا بطه داحنا بنحب نناغشك بس
عدي پغضب يعني مش كفايه ديدو دي لاء وكمان بطه دانتي يومك مش معدي النهارده
خدي يا بت هنا
ولكنه قبل ان يمسك بها وجد من تقفز على ظهره من الخلف وهي تضحك
ليا مش عجباك ديدو طب بلاش نقولك يا دوده اوعى تكون عايزنا نقولك
يا عمو
ما تنساش انك اكبر مننا بست شهور بس يا دوده
عدي لا والله طب انزلي يا.... من علي ضهري فاكره نفسك خفيفه اوي
واحترمو نفسكو معايا في الكلام شويه انا عمكو ڠصب عنك انتي وهي يا بتوع ثانوية عامه انتو
تيا بعد ان جلست علي الاريكه صحيح انا مش عارفه يعني احنا الفرق بينا مش كبير كان لازم بقى فرق الشهور يضيع علينا سنه بحالها يا بختك انت وعاصي
عديتو السنه دي ودخلتو الكلية واحنا لنا الله في الثانوية العامه
غمزه انت مش كنت بتقول يا عدي انك هاتكلم المدرسين عشان يدوهم دروس خصوصيه
عدي لاء ما انا لما قولت لزين قالي ماتفقش مع حد غير لما هو ينزل ويجي معايا
هو اصلا مش عايزهم يخرجو ياخدو دروس بره واخويا عاصي مش عايز يدخل حد غريب هنا
بصو الموضوع كبير مش بالسهوله دي
غزل اه يعني لازم مجلس العائله الذكوري ينعقد عشان دروس تيا وليا معاكو ربنا بقى
عدي اه والله لاء وخدو التقيله بقى الاستاذ عاصي باشا مصمم اني ماتفقش مع مدرس الالماني اللي كان بيدينا بيقول انه صغير وواخد مقلب في نفسه كده
ليا نعم طب وهو ماله ان شاء الله هو اصلا مالوش راي عشان يتدخل فينا
عدي اتلمي يا ليا ومالكيش دعوه عاصي خاېف عليكو وانتو اصلا اللي مالكوش رأي
المدرسين اللي هانجبهم ليكو هما اللي هاتخدو معاهم يلا انا نازل تحت يا ماما مش عايزين حاجه
روقيه لاء يا حبيبي بس ابقي هات حد ينضف سطح البيت بتاع جدتك الله يرحمها
الكلاب اللي بتربيها خليته بقى فظيع يا عدي
عدي الله يرحمها حاضر يا ست الكل هاشوف حد يجي ينضفه النهارده يلا سلام انا نازل
بقلميميادة مأمون
تركهم ونزل الي الاسفل لتهتف غمزه
يلا يا هوانم عشان نشوف اللي ورانا تيا ادخلي وضبي اوض عاصي وعدي وجدو
وانتي يا ليا اطلعي وضبي شقتنا وغزل ل
لتهتف غزل انا هاطلع اوضب شقتي مش محتاجه اوامر منك يا سيادة المدير العام.
روقيه تمام وانا وانت بقى هاندخل علي المطبخ يلا غموزه
غمزه وهي متجهه الي المطبخ يلا بينا انا مش عارفه ليه بس عاصي وحمزه بعد ماجوزو حسنه مش رديو يجيبو حد تاني
دا حتى لوزه بعد ما نانا الله يرحمها اټوفت قالت انا مقدرش اقعد هنا تاني والحجه مش موجوده
روقيه ياحبيبتي لوزه كبرت وولادها برضو كبرو وهي محبتش تخلي حد يبصلهم بصه وحشه ولا يقولهم كلمه مش كويسه
ففضلت انها تقعد في البيت وكتر خيرو بابكي عبدالرحمن لحد دلوقتي بيبعت ليها شهريتها هي وحسنه مع بعض
غمزه هو بابي عبدالرحمن ده في منه دا الحنيه كلها والدلع كله
صعدت الي شقتهم حتى ترتبها مثلما امرتها والدتها ولكن هاتفها قد نوى ان يعطلها مثل العاده واعلن عن اتصال من صديقتها المحببه اليها هي واختها
التقتطه بيدها وجلست علي فراشها لتحدثها ولم تنتبه لتلك الصغيره التي ولجت اليها ووقفت بجانب باب الغرفه تستمع لها دون ان تحدث اي صوت
ليا هاي دانا عامله ايه وحشتيني
دانا وانتي كمان وحشتيني يا ليا عامله ايه وتيا كمان وحشتني اوي
بأمارة ما سافرتي وقعدتي الفتره دي كلها ونسيتينا مش كده
سوري يا ليا والله بس انشغلت مع اصحابي وبصراحه القعده هناك لطيفه خالص
اه يا ختي يا بختك قعدتي الفتره دي كلها في السخنه واحنا هنا بنتشوي في الحر ده
ههه طب وانا مالي مش انكل عاصي هو اللي مارديش دا حتى بابي لما قاله قاله لاء انا معنديش بنات يسافرو لوحدهم وقولت ليكم تتحايلو عليه وانتو اللي مارديتوش
ماكنش هايوافق يا دانا احنا عارفين بابي كويس المهم قوليلي هاتيجي مع انطي دارين بكره لو احنا مش جينا ولا برضو مش عايزه تيجي الجاملية
مانتي عارفه يا ليا انا مش عايزة اجي ليه ولا انتي عايزاه يتخانق معايا تاني ويسمعني كلامه اللي زي السم ده
يا بنتي والله عدي طيب هو بس مش بيحب حد يتكلم عننا وحش
وهو انا اتكلمت
وحش عنكم فين دانتو