رواية تحت أمر الحب بقلم شيماء صبحي(الخاتمة)

وهو قرب منها وقال حسناء كانت تستحق فرصه تانيه يا خالتي وانا قدمتهالها وزي منتي شوفتيها معاها بنتين زي القمر وجوزها دا انا اضمنه بعمري لاني واثق فيه وانه هيشيلها في عينيه 
كوثر هزت راسها وقالت ايوا باين عليه كويس 
عمار ابتسم ومسك ايديها وقال انا عارف اني قسيت عليكي لما خبيت كل دا عنك بس انا كان غرضي احميها وحتي لما ابوها ماټ كانت هيا اتجوزت واما لقيتها مبسوطة مع جوزها واطفالها طلبت منها تعيش وتنسي الماضي ولاكن عرفتها ان وقت ما عيالها يكبروا هعرفك كل حاجه وهيا وافقت.. 
كوثر استغربت كلامه وقالت وليه لما عيالها يكبروا ..!
عمار ابتسم وقال علشان لما تشوفيهم تسامحيها لانهم هيكونوا متعلقين بيها ودا اللي هتشوفيه لما هتقابليها..
كوثر بصتله وهزت راسها وقالت طلعت مش سهل يا ابن اختي..
عمار حضنها وقال انا عايزك تنسي كل اللي فات وتبدأي صفحة جديده ولازم تعرفي ان حسناء إتغيرت وجوزها ميعرفش حاجه عن اللي حصلها فلو بتحبيها فعلا انسي زي ما هيا نست وفكري في بناتها وجوزها واللي بقوا كل عيليتها اي هيحصلهم لو عرفوا ماضيها 
كوثر هزت راسها وقالت حاضر بس انا عايزاك تسامحيني يا عمار انا بس ضربتك من ڠضبي.. 
عمار ابتسم وقال مش مهم انا اصلا مش زعلان بس كل اللي مزعلني دلوقت انك كسرتي الحماس.. 
كوثر ابتسمت وهو بصلها وقال عاوزك تطلعي ترتاحي وتفكري برضوا في كل كلامي ولو شايفه ان اللي عملته غلط انا مستعد لاي عقاپ منك.
كوثر بصتله وسكتت وهوا قال ها قولتي ايه..
كوثر هزت راسها وهو قال طيب اطلعي بق ارتاحي وانا برضوا هطلع انام .. 
كوثر بصتله بشك وهو ضحك وقال متدققيش بق يا خالتي مش لازم يعني اقول التفاصيل.. 
كوثر ابتسمت وهزت راسها وطلعت وهوا عدل بدتله واخد نفس طويل وطلع هو كمان ودخل لاوضته انتهي اليوم علي خير وكل واحد نام في حضڼ حبيبته وهو مبسوط وكوثر كانت بتفكر في كلام عمار ولما اتاكدت ان اللي عملة كان في صالح بنتها قدرت تنام وهيا مرتاحه.. وفي تاني يوم صحيت كوثر وقالت للخدم يبدأوا يجهزوا الفطار وطلبت منهم يجهزوا لغرفة عمار وداليدا صينيه ول رشاد ودنيا صينيه وطلبت منهم يجهزوا صينيه كبيرة ويغلفوها لان دي هتكون ل ملوك وزين وهيا اللي هتوديهالهم بنفسها.. 
وبعد ساعتين كاملين كانوا الخدم انتهوا من التجهيزات وطلعت اول صينينه لغرفة عمار وداليدا وكانت كوثر اللي شيلاها خبطت علي الباب وقالتافتح يا عريس ..داليدا صحيت وهيا بتبص حواليها وبتتاكد من الصوت وبعد دقايق الصوت اتكرر تاني وكوثر قالت قوم يا عريس الفطار جاهز وصحي عروستك.. 
داليدا ضحكت علي كلام كوثر فقربت من عمار وقالت انت مش سامع يا عريس..
عمار فتح عينيه وقال بهمس مش سامع ايه..
كوثر عادت كلامها لاخر مره وقالت لو مفتحتش يا عريس هدخل ومليش دعوه باللي هشوفه..
عمار قام بسرعه وقال اي دا..
داليدا ضحكت وهيا بتبص عليه وهو بيقرب من الباب واول مشاف كوثر قال باستغراب اي دا اللي انتي شيلاه يا خالتي 
كوثر ادالته الصينيه وقالت دا الفطار يا عريس صباحيه مباركة..
عمار بص للصينيه وهز راسه وقال بابتسامه الله يبارك فيكي .
كوثر قالت قبل ما تمشي اتصل بحسناء خليها تيجي علشان تيجي معايا نودي الفطار ل ملوك 
عمار هز راسه بتفهم وقال حاضر يا خالتي..كوثر هزت راسها وقالت يلا بالف هنا علي قلوبكم..
عمار