رواية نــــــور (الفصل الأول إلى الرابع) للكاتبة sama semo
المحتويات
على كده بتدرسى ولا خلصتى
نور تنظر لها بحزن ولامعه فى عيناها لا انا مكملتش جامعه خرجت من تانيه اعلام
عليه ليه كده يا بنتى ده التعليم بيكون سلاح البنت فى الدنيا
علا تحاول انها تغير مجرى الحوار لملاحظتها دموع نور سلاح ايه بس يا ماما منا اهو خدت ليسانس اداب عملت ايه بيه كله كلام فى كلام
نشوى ومين سمعك منا زيك خدت الدبلوم من هنا وامى جوزتنى من هنا وكنت نفسى اكمل وادخل معهد امى يومها تقولى هتاخدى ايه منه يعنى فى الاخر هتكونى فى بيتك مع جوزك
عليه عيطى يا بنتى العياط ساعات بيهدى النفس والقلب تعرفى يا نور انا زيك كده يتيمه من وعمرى 10 سنين ابويا ماټ قبل ما يشوفنى وامى ماټت بالمړض الخبيث وكنت ساعتها عيله ولا اعرف الدنيا روحت وقعدت عند قرايب ليا لحد ما كبرت واتجوزت ابنهم وربنا اسعدنى ورزقنى من وسع والحمدلله قولى الحمدلله على كل حال انتى معاكى خالتك اهو جمبك غيرك ماعندهوش اهل خالص مقطوع من شجره
يأتى الصباح مع زقزقه العصافير فى شرفه حجرتهم نجد ندى مازالت بالفراش نائما بينما نور تتجه نحو الشرفه وتنظر الى تلك العصافر اللاتى يقفون ع حافه الشرفه وتدخل لها خالتها
نشوى ايه ال مصحيكى بدرى كده يا نور
نور انا متعوده اصحى بدرى يا خالتى
نور حاضر
وتجلس بمقربه منهم
ابراهيم ما تتصلى بعمتك وقوليلها انك هتقعدى معانا كام يوم
نور ياريت يا عمو والله بس مش هترضى كويس انها رضيت انى ابيت امبارح هنا
ابراهيم ربنا يهديها ويصبرك يا بنتى
نشوى وتأتى من المطبخ ربنا ياخدها ويريحنا منها ياابو عمرو
يلا انا همشى بقى مش عايزين حاجه اجبها وانا جاى
نشوى تجيلنا بالسلامه يا هيما
ابراهيم طيب السلام عليكم
نور ونشوى وعليكم السلام ورحمه الله وبركاته
نشوى تجلس بجوارها ويكملوا فطورهم انتى هتمشى امتى
نور والله منا عارفه حتى هى ما كلمتنيش خالص
نشوى طيب خليكى لحد ما تتصل هى ايه رايك
نشوى طيب بصى انتى افطرى وكلميها وقوليلها انى عزماكى انهارده وعمك ابراهيم هيوصلك بالليل لها
نور حاضر بس يارب توافق
فى شقه اخر
على يرش عطره الفواح ويخرج لهم ويجدهم يرتبو احدى المقاعد انا هروح النادى هشوف موضوع التجديد وهاجاى علا ما تتعبيش ماما استنونى لما اجاى واخلص معاكم
عليه اطمن يا على ياابنى ربنا يكتبلك فى كل خطوه سلامه يارب ويوقفلك ولاد الحلال
علا يلا ياعم دعوه ع الصبحيه يلا بقى هوينا
على ماشى ياختى سلام عليكم
الام وابنتها وعليكم السلام ورحمه الله وبركاته .... ها يا ماما الكرتونه دى بتاعه المطبخ كويس انك كتبى عليهم زى ما قلتلك كده اسهل
وقبل ما ترد عليها كانت لدقه الباب راى اخر
السلام عليكم
عليه وعليكم السلام ورحمه الله وبركاته ازيك يا ام عمرو
نشوى الحمدلله انا قلت اجاى اساعدكم عارفه ان ترتيب الشقه بيأخد وقت
عليه لا ما تتعبيش نفسك انا وعلا وزمان على جاى بالسلامه هنخلص ان شاء الله ومش مستعجلين
نشوى وترفع احدى اكمامها انتى بتحرجينى ولا ايه يعنى يا حجه والله لانا مساعدكم
علا وتحمل احدى الكراتين خلاص بقى يا ماما سيبها يلا ياام عمرو هاتى الكرتونه ال مكتوب عليها المطبخ وحصلينى
وبعد قليل تأتى اليهم نور التى تدق باب الشقه وتلاحظه مفتوح احم السلام عليكم
عليه تعالى يا نور
نور السلام عليكم ازيك يا طنط
عليه الحمدلله يا حبيبتى عامله ايه انهارده
نور احسن الحمدلله هى خالتو مش هنا
عليه لا ياستى حكمت رايها انها تساعدنا فى توضيب الحاجه
نور تتجه نحوها وترى كثره الكراتين وبعض الاجهزه وتجلس بمقربه منهم وتفتحهم لترى ما بداخلهم دى مكتوب عليها النيش .... وتلتفت الى النيش وتجده وتقوم بأخد الكرتونه هناك وترجع مره اخرى
عليه انتى بتعملى ايه لالالا بلاش تتعبى نفسك بصى هما هيجو ويخلصوا حاجه حاجه
نور انا مش تعبانه وكمان انا بحب شغل البيت اوى قوليلى بس فين مفاريش النيش
عليه هتلاقيهم
متابعة القراءة
