رواية على أمل أن يعود بقلم دينا عبدالله

انا جنبك يا نجمه... جنبك ومش هسيبك
ضمھا ليه عشان يطنها انه جنبها... سكتت وبطلت تنطق اسمه كأنها حست بيه انه جنبها فطمنت... ضمھا اكتر وهو بيتنفس ريحتها باشتياق كبير
بعد 24 ساعه
بدات نجمه تفوق و رحيم والدكتود حسين واقفين جنبها عشان يطمنو عليها... فتحت نجمه عينيها وبصت علي رحيم.. بصلها بابتسامة ودموع.. باس راسها وقال حمدالله على السلامة حبيبتي
نجمه بتعب انت مين
بعد رحيم وهو
بيبصلها پصدمه وقال يعني ايه انا مين
الدكتور حسين انتي مش عارفه مين ده
هزت نجمه راسها ب لا
بص رحيم للدكتور حسين وقال هو حصل ايه
الدكتور حسين منتا دكتور وانت عارف ان الخبطه كانت جامده عليها اوي وكان محتمل انها تفقد الذاكرة.. هوا انا هعلمك من اول وجديد يا دكتور رحيم
قعد رحيم قدام نجمه وقال بحب نجمه ارجوكي حاولي تفتكريني
سكتت شويه وهيا بتحاول تفتكر.. بس مش بتفتكر حاجه فقالت انا مش فاكره اي حاجه.. هوا انا اسمي نجمه
رحيم بحزن اه اسمك نجمه
نجمه طيب وانت مين
الدكتور حسين دا الدكتور رحيم.... جوزك
نجمه پصدمه جوزي
بصلها رحيم بحزن شديد انها مش فاكراه خالص.. نسيت كل حاجه
نجمه واي اللي يثب لي انك جوزي بجد مش يمكن بتضحك عليا
ابتسم رحيم بحزن وقال اضحك عليكي... وانا هضحك عليكي ليه
نجمه واحده مش فاكره اي حاجه سهل انك ټخدعها وتضحك عليها بكلمتين
رحيم بحزن متقلقيش مش بخدعك احنا متجوزين وفي قسيمة جواز بتثبت كلامي
بصتله وشافت في عينيه الصدق في كلامه وحست بحبه ليها وهيا من جواها حاسه انه قريب منها قريب اوي
كانت زينه قاعده وهيا قلقانه جدا علي رحيم اللي مرجعش لحد دلوقتي.. كان صلاح قاعد وهو متوتر وبيفكر هل حد لقي نجمه حد شك فيه.. طيب هيا لسه عايشه ولا مېته الف سؤال بيدور جوا عقله
دخل رحيم اطمنت زينه اول ما شافته بس اڼصدمت هيا وصلاح لما شافو نجمه داخله وراه... الړعب دب في قلب صلاح خلاص دي نهايته اكيد قالت ل رحيم علي كل حاجه.. طيب هوا لقاها ازاي وامتي
زينه بضيق اي اللي خلاك ترجع النصابه دي تاني
نجمه پصدمه نصابه... هيا تقصد ايه
رحيم اطلعي انتي يا نجمه علي اوضتي وانا هاجي وراكي
وشاور لها علي اوضته.. طلعت نجمه وهيا بتبص علي صلاح اللي كانت حاسه بقلق منه مش عارفه ليه
زينه بضيق انت رجعتها تاني ليه يا رحيم
رحيم بهدوء ماما متنسيش انها مراتي حصلت معاها حداثه وهيا دلوقتي فاقده الذاكره ومش فاكره اي حاجه
اتنهد صلاح بارتياح شديد من اللي سمعه وان نجمه مش فاكره اي حاجه حصلت معاهم
زينه پغضب قدرت تضحك عليك تاني وتخليك تصدق انها فعلا فقدت الذاكره علشان ترجعها وانتي برضو صدقتها يا رحيم
رحيم ماما هيا مش بتكدب هيا فعلا حصل معاها حداثه وانا كنت المشرف علي حالتها... ماما ارجوكي متذوديش الحمل عليا
بعدين سابهم وطلع علي اوضته... بص صلاح ل زينه وقال بمكر شوفتي قدرت تلعب ب عقله تاني وخدته منك وبكرا هتخليه ميسمعش كلامك وهتقلبه ضدك دلوقتي تشوفي
لعب بعقلها وسابها ومشي.. بصت زينه علي اوضة رحيم وقالت پغضب مش هسمح لها تاخد ابني مني انا هعرف ازاي اتصرف معاها
يتبع
فصل تاني هديه... شوفتو انا بحبكم ازاي 
قام صلاح وقال وهو بيبصلها وطي صوتك.. اييه هوا انتي نسيتي ولا ايه
نجمه بعدم فهم نسيت ايه
صلاح وهو بيقرب منها يبقي نسيتي
رجعت نجمه لورا لحد ما وصلت للحيط... حاصرها بايديه وهمس لها وقال نسيتي ان كان في علاقه مبينا انا وانتي ومحدش يعرفها غيرنا
بصتله نجمه وهيا مبحلقه عينيها پصدمه كبير.. ابتسم بمكر وقال متتصدميش اوي كدا.. دا في بينا كتير اوي بس انتي اللي نسيا معلش دلوقتي ذاكرتك ترجع لك وتتفتكري
دفعته بعيد عنها وقالت پغضب شديد انت كداااب مستحيل ابقا بخون جوزي وانا مش من النوع دا انت بتضحك عليا
صلاح انا اللي بضحك عليكي ولااااا رحيم
نجمه بدهشة انت قصدك ايه
صلاح بمكر هحكي ليك وامري لله..... جوزك اللي انتي فاكره انه بيحبك هو مش كدا خالص.... رحيم اتجوزك ڠصب عنك اول ما عرف انك بتحبني غيره بس هوا ميعرفش انك بتحبيني انا... ڠصب عليكي علي الجواز بس انا وانتي قررنا انك تهربي يوم الفرح.. وفعلا هربتي معايا وعشنا انا وانتي ايام جميله مع بعض من غير ما رحيم يحس ب اي حاجه... بس لما رحيم بقاا عرف مكانك اجر واحد يخبطك بالعربيه وهو اتظاهر قدامك انه الدكتور اللي انقذ حياتك برغم من انه اللي هوا عايز ينهيها.... وفقدان الذاكره دا هوا السبب في برضو كتب لك علي ادويه قويه جدا بتخليكي مش فاكره اي حاجه عشان تفضلي معاه
كانت نجمه بتسمعه وهي مصدومه جدا مش مصدقه ان رحيم يطلع كدا
نجمه بدهشة ودموع وانت عرفت دا كله منين
صلاح ليا مصادري الخاصة
نجمه وانا ايه اللي يخليني اصدق كلامك... رحيم اخوك ف ازاي تعمل مع اخوك كدا وتفكر انك تقرب مني انا مراته
صلاح عشان بحبك يا نجمه.. اما هوا لا.. هوا واحد طماع عايز كل حاجه لنفسه لنفسه وبس ومبيفكرش في الللي حوليه.. وانتي كمان بتحبيني انا اوعي تنخدعي فيه وتصدقيه
نجمه طيب موضوع الدهب اللي امك بتتهمني ان انا اللي سرقته
صلاح الدهب معايا انا.... لما انا وانتي هربنا
مكنتش عايز حد يحس ب اي حاجه عشان كده قولت انك هربتي وخدتي الدهب وكمان عشان رحيم يتوجع وميفكرش انك ممكن تكوني لي هوا وتكوني ليا انا.. انا وبس
نجمه يعني الدهب معاك وانت مش خاېف حد يلاقيه معاك
صلاح بثقه حاطه في الخزنه اللي في دولابي ومحدش بيدخل اوضتي من غير اذن مني دا غير ان الخزنه ب رقم سري اللي هوا عيد ميلادك ومحدش هيتوقعه
نجمه يعني دلوقتي اخوك رحيم فاكر ان انا هربت منه وسړقت الدهب... والحقيقه ان انا وانت هربنا مع بعض.. ورحيم هوا اللي بعت العربيه عشان تخبطني واموت عشان ينتقم مني وهوا دلوقتي بيتظاهر انه بيحبني وبيديني ادويه عشان افضل فاقده الذاكره علشان افضل معاه علي طول
صلاح اه هوا عمل كل ده معاكي رحيم مش بيحبك... دا مش بيحب حد غير نفسه
نجمه بتفكير طيب يا صلاح سيبني اقعد مع نفسي شويه لان راسي بتوجعني وعايزه ارتاح... و اوعدك في وقت تاني هعمل اللي انت عايزه احسن اخوك يرجع في اي لحظه
صلاح ماشي يا جميل
مسك ايديها باسها وطلع وقفل الباب وراه وهو بيبتسم بخبث شديد انه قدر يلعب في عقل نجمه
رجع رحيم بعد الفجر.. كانت نجمه صاحيه.. باس راسها بحب وقال ايه هوا انتي منمتيش ولا ايه
بصتله نجمه شويه بعدين قالت رحيم هوا انت بتحبني بجد
حط المفاتيح والتليفون علي التسريحه وبصلها باستغراب وقال طبعا اومال بضحك عليكي يعني.... هو انتي ليه بتسألي... انتي لحد دلوقتي مش واثقه فيا
قامت نجمه ووقفت قدامه وقالت رحيم لو قولتلك علي حاجه هتصدقني
رحيم من غير تفكير اكيد طبعا
نجمه بدموع رحيم انا مفقدتش الذاكره انا فاكره كل حاجه
بصلها رحيم پصدمه وقال يعني ايه مفقدتيش الذاكره...