قصة الشك بقلم نادية ستارز

بابتسامة أه 
فريد يعانقها بقوة أنا طاير من الفرحة بصي أحنا نبدأ من دلوقتي نحيب حاجته أو حاجتها أجيب سرير الأطفال الأول ولا نبدأ باللبس ينفع تجيبي الطفل النهاردة
فريدة بضحك لسة فاضل سبع شهور
فريد أنا بجد مبسوط أوي
فريدة ربنا يديم فرحتك يا حبيبي
أخبروا العائلتان بهذا الخبر وسادت السعادة بينهم.
فريدة پبكاء مش أنت وعدتني يوم أجازتك هتنزلي الفجر
فريد بخضة طب بټعيطي ليه
فريدة بلا سبب مش عاجبك كمان
وتكمل في البكاء
فريد خلاص أهدي بس وكفاية عياط قومي
ألبسي ننزل.
فريدة تمسح دموعها لا خلاص مش نازلة
في منتصف الليل
فريدة تأخذ شعرها تجاه وجه فريد وتبدأ باستيقاظه فريد حبيبي قرة عيني أصحى كدا يلا كفاية نوم 
فريد بنعاس في إيه يا فريدة هو أنا لحقت أنام
فريدة اتخنقت من القاعدة لوحدي قوم أقعد معايا
فريد طب أقفي
فريدة بتساؤل ليه
فريد علشان متتخنقيش من القاعدة
فريدة قوم كدا يا فريد 
فريد يعتدل في جلسته بكسل في إيه يا حبيبتي 
فريدة أنا عايزة أروح البحر وهاتلي شيبسي بالطماطم 
فريد ما تخليها بكرة
فريدة تبك 
فريد باستسلام أمري لله قومي ألبسي 
فريدة تنهض ما أنا لابسة أصلا 
فريد ينظر إليها كمان! خمس دقايق وهكون لابس استنيني برا
فريدة لا لا هفضل هنا علشان ممكن تكسل وتنام.
فريد يبتسم بنعاس ماشي 
بعد خمس دقائق
تدلف إليه فريدة وهي حاملة كوب من القهوة
فريد أنا خلصت
فريدة عملتلك قهوة علشان تفوق 
فريد ينظر إليها بشك أوع يكون فيها حاجة
فريدة عيب عليك أنا بتاعت مقالب برضو أشرب أشرب
ليحتسي منها وتتغير معالم وجهه تماما
فريدة بلؤم القهوة فيها حاجة 
فريد فيها كل خير 
فريدة طب كملها 
فريد لا ما أنا مش قادر ويلا نمشي بدل ما هرجع للسرير تاني
فريدة لا لا خلاص يلا
فريدة تلف حول الرمال دي أول مرة أجي فيها البحر وأنا مبسوطة 
فريد وقبل كدا
فريدة جيته تلت مرات وأنا مش مبسوطة خالص
فريد أول مرة نتيجة الثانوية العامة صح
فريدة أه عرفت إزاي
فريد كنت قريب منك وسمعتك بس المرة التانية والتالتة إيه
فريدة بضحك المرة التانية بسببك أنت
فريد مش فاهم
فريدة بص وقت ما اتقدمتلي أنا كنت رافضة فكرة الزواج مكنتش رفضاها بس كنت مستنية كدا شخص معين اللي هو مين معرفهوش بس عيزاه بمواصفات معينة لقيت عيلتي بتقولي سني كبير وأبتدوا يقولولي عن دي اتجوزت وهي تمنتاشر ودي عشرين ومخلفين وعيالهم كبار وهكذا مكنتش موافقة عليك بصراحة بس أهلي اللي وافقوا وماما كانت بتمر بظروف صحية صعبة فمكنش ينفع تتعب تقدر تقول باختصار اتجبرت عليك جيت يومها هنا أعيط وتكمل بضحك وتالت مرة لما خونتني مع ملاك 
فريد بحزن في داخله حاول إخفاءه ودلوقتي مجبورة عليا
فريدة بابتسامة لو كل الجبر زيك فأنا عايزة اتجبر دايما لأني هكون مبسوطة لأنها أحلى وأجمل جبرة في حياتي كلها بحمد ربنا إني موافقتش على حد قبلك وقت ما كنت أصغر من كدا بس عارفة ومتأكدة إني كان لازم استنى لما ييجي الشخص الصح حتى لو كنت هفضل مستنياك وأنا عمري خمسين سنة وأهو جيت أنت.
فريد تعرفي إني أنا بحبك من أول يوم شفتك فيه
فريدة بضحك وأنا في الفترة دي مكنتش طيقاك بس لما حبيتك لمحتلك وأنت مفهمتش
فريد إزاي
فريدة دايما بكون متخيلة نفسي مع شخصي المفضل بعمل الحاجات اللي كان نفسي أعملها ومعرفتش وبالفعل
الحاجات دي عملتها معاك والشخص اللي هحبه بجد كنت بتمنى أشرب معاه شاي بالنعناع في البلكونة ومعانا صوت أم كلثوم 
فريد يعني بتحبيني
فريدة أومال اللي أنا قولته دا إيه بعبر عن اعجابي بيك!
فريد أيوة يعني بتحبيني
فريدة نص نص أو ربع ربع على نفس الوزن كدا
فريد أمشي يا فريدة بدل ما هغرقك وأغرق معاك 
فريدة بضحك طب ما ټغرق في حبي أحسن 
فريد طب أنا كدا كدا غرقان 
فريدة بابتسامة بحبك
فريد لا مش بنفس
فريدة للأسف مينفعش أقولها تاني علشان الأسماك متنزعجش وتصحى من نومها 
فريد طب لو جبتلك شيبسي بالطماطم 
فريدة فريد عيب اللي أنت بتقوله دا! أحنا أهل يا راجل دا أنا بحبك أكتر من الشيبسي بالطماطم وأكتر من البحر والقطط وشروق الشمس وغربها والليل في هدوئه والنجوم اللي بتبقى مزينة السماء والقمر اللي بيتحرك معانا
فريد متأكدة!
فريدة بابتسامة ساحرة أحبك وكأنك أنت الصبر الذي ضللت أحدث به نفسي طوال الليل أحبك وكأنك أنت العوض الذي رزقت به نتيجة صبري.
فريد علمت الآن فقط ما معنى الحب وعملت أيضا أنه أنت.
لا يهم كم انتظرت من الوقت حتى أتيت أنت من المهم أنك قد أتيت
تمت