رواية للقدر حكاية(الفصل السادس والستون والسابع والستون ) للكاتبة سهام صادق

أنفاسها بعدما تعلقت عيناها بالرساله 
يارب يامراد المشكله تتحل
وعندما عاد حديث نغم امس وكيف تعرض على زوجها تطليقها والزواج منها وهي تكون بيعه لذلك الابله مارتن استشاطت ڠضبا 
انا هعرفك يانغم ازاي تبصي لجوزي وتلعبوا علينا 
وبعد اقل من ساعه كنت تطرق باب مسكن نغم وقد اصبحت تقطن في فيلا بمفردها بعيدا عن شقيقتها وخالد 
فتحت لها الخادمه الباب 
افندم 
لم ترد عليها إنما دلفت للداخل تهتف بعلو صوتها 
فين الهانم اللي مشغلاكي 
الهانم نايمه ومينفعش كده 
لم تهتم بعباره الخادمه وعاد صوتها يعلو 
ياسيدة المجتمع الراقيه 
نهضت نغم على أثر صوت هناء كما اعتدل مارتن من رقدته عاري الصدر ينظر إليها بتوجس وعندما عاد صوت هناء يعلو 
انتفضت نغم ورارتدت مئزرها هاتفه 
ديه مرات مراد 
أسرعت إليها خشيه من الفضائح لترتسم ابتسامه واسعه فوق شفتي مارتن
شقيه وممتعه محظوظ بكي مراد
أنتي بتعملي ايه هنا مين سمحلك تدخلي بيتي 
لترفع هناء عيناها نحوها ساخره 
هما كلمتين جايه اقولهم ليكي وكويس ان خدامتك واقفه وسطينا ابعدي عن جوزي وبلاش خططك القذره مع القذر اللي زيك 
كان مارتن يهبط الدرج عند سماع تلك الجمله يغلق ازرار قميصه ليتجهم وجهه بعدما كان سعيدا لرؤيتها 
تعلقت عيناها به ليرتفع حاجبها الأيسر وهي تراه 
مجمع الا موفق سبحان الله
وهتف مارتن اخيرا 
سأنسي سبابك لي حلوتي 
لا ياريت متنساش عشان انت راجل فعلا قذر نظرتي ليك مخيبتش مكنتش برتاحلك لله في لله 
بعض عبارات هناء كان يفهم مارتن معانيها بصعوبه ورغم ازدياد حنقه منها الا انه رغبته بها كانت تزداد دون أذى يحسد مراد عليها 
لتستشيط نغم من صمت مارتن اتجاهها رغم درايتها بطبيعته العدوانيه 
اطلعي بره بيتي بدل ما اطلبك البوليس انا مش عارفه ازاي انتي مرات مراد وبنت عمه بجد مقرفه 
لتسخر هناء وهي تشير نحوهما 
والله المقرفين اللي زيكم اتمنى رسالتي تكون وصلت 
وغادرت بعدها تلتقط أنفاسها تشعر بالمقت لرؤيتهم
صدقت فعلا ياقوت لما قالتلي ان في ناس عايشه بالطريقه ديه  
استغفرت ربها وهي تعلم أن علاقة مارتن ب نغم ماهي الا ژنا 
تعلقت عين نغم ب مارتن فور مغادرة هناء وقبل ان تشعل نيران غضبه نحو هناء كان يخرج هاتفه من جيب سرواله ويخطو للخارج ولم تسمع مكالمته 
ولم تكن مكالمته الا أمرا منه بأن يتبع احد رجاله هناء ويخطفها
اغلقت فاديه باب الغرفه بعدما تأكدت من هدوء المنزل ضغطت على ازرار هاتفها خشيه اتاها صوت عزيز
قوليلي الوضع عندك ايه يافاديه
هتفت بقلق وهي تلتف حولها
فرات قالب الدنيا ومش هيسكت غير لما يعرف مين اللي ورا الخطڤ عزيز رجع الولد انت متعرفش ڠضب فرات اخويا انا عارفاه خطڤ الولد مۏت قلبه من تاني
أنتي بتقولي ايه يافاديه ارجع ولد ايه انتي عايزه ارجع الولد ويورث اخوكي عيل مش من صلبه
احتقن وجهها وهي تتذكر كذبته عليها
عزيز بلاش لعب عليا انا اكتشفت الحقيقه الولد ابن فرات فرات مش ساذج ولا غبي ياعزيز انت عارف اخويا كويس
توتر عزيز وقد انكشفت كذبته التي استغل بها فاديه وهو يهيج مشاعرها يعرف ان فاديه تنسى نفسها حينما تكون بين ذراعيه فيعرف كيف يستغلها
احنا لازم نتقابل ياعزيز
خرج صوته بعد مده 
مش هينفع يافاديه ومتتصليش بيا انا هبقي اكلمك
انقطعت المكالمه ليغلق هاتفه حانقا ملقيا به فوق الاريكه
ست من ساعه ما اتجوزتها والفقر ركبني انا مش عارف كانت فين دماغي ساعتها
ليضحك احد رجاله فرمقه عزيز ليصمت ولكن لم يعد ان يظل صامتا دون فهم اخر حركه فعلها رئيسه فالخطڤ لم يكن طريق اعمالهم يوما
بس ياباشا انت مش شايف ان خطڤ الولد في الوقت ده هيضرنا
تجهم وجه عزيز وضم سيجارته بين شفتيه 
عايز احړق قلب فرات عايزه يفضل عايش حياته بيدور علي ابنه 
لم يشعر بنفسه وهو يفيض لرجله بمكنون صدره
تعرف ياواد يافتحي انا كان ممكن اموته واقتله بأيديا دول انا كده كده ضايع ومېت بالنسبه للحكومه لكن 
لكن ايه ياباشا
تعلقت عيناه برجله الواقف ونفث دخان سيجارته بعشوائيه
امه هي السبب مقدرتش اقتله أمه الحب اللي عمره ما نسيته
وضحك بعلو صوته يسخر على حاله
حكم الحب ده لعنه ياواد يافتحي شوف قلبنا مېت ازاي لكن قدام الحب بننسي احنا مين
اه والله ياباشا انا طلقت البت مراتي لما لقيتني حبيتها والحياه علمتني من شغلتنا ان الحاجه اللي تبقى نقطة ضعفك امحيها
هتف بها فتحي فأقترب عزيز منه يربت فوق كتفه العريض
شاطر يافتحي 
عاد حمزه من الشركه باكرا اليوم وسائقه يحمل حقيبة عمله يعطيها للخادمه يخبرها ان سيده متعب وقد سقط في الشركه مما اذهل موظفينه ان ذلك الكيان الصلب القوي يسقط مثلهم
هبطت ياقوت الدرج بعد أن هاتفتها شقيقتها تخبرها ما حدث له 
عندما تعلقت عيناها به اتجهت نحوه تسأله بلهفه 
حمزه انت كويس 
اخذت تتفحصه كما تتفحص صغيريها 
للأسف لاء ياياقوت انا حقيقي تعبت ونفسي ارتاح
اشفقت على حاله فما يحيط العائله الان من مشاكل ينصب فوق رأسه وماعليه الا ان يجد حلولا حاوطت خصره بأهتمام 
تعالا اطلع اوضتك ارتاح 
ترك حاله لها كما اصبح أخيرا يترك مشاعره فماذا اخذ من تلك الهاله والقوه والصلابه التي كانت تحيطه
قادته نحو غرفته التي لا تشاركه فيها وساعدته بأن يتسطح فوق الفراش عاونته في تبديل ملابسه كل يوم كانت تثبت له انها معدن أصيل وان امرأه مثلها خلق الحب من أجلها 
تحملت كل سلبياته معها حاولت أن تتخطى معه مشاكل عائلته التي اكبر منها بل وحاولت ان تتخطى ظلم الحياه بقلب برئ حامد راضي 
هروح احضرلك حاجه تاكلها انت مبقتش تهتم بأكلك 
قبض على يدها يمنعها من تركه 
انا بحمد ربنا انك مراتي ياياقوت 
وهمس بعشق حقيقي 
بحبك حياتي من غيرك ملهاش معنى وبعدك علمني قيمتك واد ايه انا كنت معمي ومش سامع غير عقلي بقوانينه اللي وضعه عشان تكمل حياه حمزه الزهدي من غير ضعف 
اقترب فرات من صفا بعدما عاونتها الخادمه في تبديل ملابسها ثم غادرت مشفقه عليها 
كنا فضلنا في المستشفى ياصفا انتي لسا تعبانه 
تعلقت عيناها به ترى انكساره وتحطيمه تمنت ان تراه هكذا وها هي امنيتها قد تحققت ولكن تحقيقها كان صعب بل ممېت عليها هي الأخرى
سقطت دموعها فأسرع في ضمھا 
ارجوكي انا مش مستحمل ده ابني كمان ملحقتش اشم ريحته  
سقطت دموعه هو الآخر والنيران تشتعل داخل قلبه فدعوات من جار عليهم قد تحققت ان ېحرق الله قلبه وهاهو قلبه ېحترق 
مكنتش فاكره دعوتي هتيجي في ابني 
واردفت وهي تدفعه عنها بعدما وعت انها في حضنه 
انت السبب انت السبب خلتني اتمنى اشوفك مقهور ومكسور واه جات في ابني
واڼهارت أرضا تحت قدميه
هاتلى ابني ابوس رجلك هاتلى ابني  
اهتز كامل جسده من هول الموقف وهول ما أصبح يعيشه ليجثي فوق ركبتيه أمامها
والله هلاقيه ياصفا وهدفع اللي عمل كده التمن 
ونهض من أمامها يمسح دموعه كي يعود لرجاله بقوه وهيبة فرات النويري غادر غرفتها وصوت بكائها