رواية نــــــور (الفصل الحادي والعشرين إلى الثامن والعشرين) للكاتبة sama semo

مشيتى دلوقتى 
ندى خلاص خلاص ... وتأخذ بالملعقه خضار من التورلى لفمها وتقبل وجنتيها وتذهب مسرعا
نور بعد ما غادرت ابنه خالتها
هعمل ايه دلوقتى بقى .... اقول لماما احساسك طلع صح ولا اعمل ايه 
على ... على
على يتجه نحوه مسرعا ايوه يا كابتن
الكابتن يحوطه بذراعيه انهارده هينضم ليكو مهاجم جديد عاوزك بقى تاخدو وتعرفه على باقى الفريق 
على ويبتسم لما رأى هذا الشاب يتجه نحوهم بابتسامه
الكابتن ويقدمهم لبعض ده على هنداوى كابتن الفريق رامى معتز
رامى وعلى يتبدالو السلامات
الكابتن يلا انزلو الملعب
وفى طريقهم جاى منين
رامى يلتفت الى الملعب بفرحه من بنى سويف
على اهلا بيك ... نورتنا يا ابو الرام .... هتنبسط معانا ان شاء الله 
.
تسمع دقات الباب تقوم بتعب ملحوظ وتفتحه لكنها اصطنعت الشده عندما رأته يقف امامها 
عاوز ايه .. جاى تانى ليه
ده ترحيبك ليا ياما بعد الفتره دى كلها
عواطف عاوز ايه جاى ليه اوعى تكون فاكر انك هترجع زى الاول لا والف لا يا محمود
محمود يقاطعها ويدخل ويغلق باب الشقه خلفه 
انا مش راجع ياما ... انا جاى اسالك على سيد
عواطف وعاوزه ليه 
محمود ياما ما تنسيش انى ابنك بردك
عواطف ابنى ابنى اللى اتجرىء على امه وخد بنت خاله وهربها عشان تروح لناس اغراب .. ابنى اللى من ساعه ما مشا حتى ما سألش عنى
محمود ياما انا كنت بجيلك كل يوم بس انتى اللى مكنتيش بتدينى وش
عواطف قول عاوز ايه واتفضل اخرج من بيتى
محمود لا حول ولا قوة الا بالله ... فين سيد ياما
عواطف معرفش راح فى انهى داهيه
محمود سيد ياما خد فلوس من ناس ف شغل اكتر من 30 الف جنيه عربون ومعملش ليهم الشغل ده
عواطف تجذبه من ياقه قميصه وبكلام حاد انت جاى تتبلا على ابنى اللى اشرف منك ومن ابوك
محمود ينظر ليدها التى تمسك ياقته ولم يتكلم ولم يعمل اى شىء .. والدته مهما كانت
ياما احلفلك بايه هى دى الحقيقه وانا هفترى عليه ليه ... اذ كان على الورشه مش عاوزها انا اشتغلت وعايش مبسوط عند اهل مراتى 
عواطف انت جاى تفرسنى يعنى ولا جاى لايه ها انطق جاى لايه
محمود ياما ابنك هيتحبس لو ما دفعش الفلوس دى وممكن يحجزو على الورشه
عواطف ايه ... يحجزو على الورشه دى بتاعتنا ملكنا
محمود مهو عشان كده ياما الفلوس اللى سيد اخويا خدها من الناس كبيره جدا ويااما يدفعها ياما هيحجزو على الورشه باللى فيها 
عواطف تخبط يدها بقوه على الطاوله پغضب هو خد كام منهم
محمود اكتر من 30 الف 
عواطف مش مصدقه سيد يعمل كده ده قالى ان الورشه مفيهاش فلوس
محمود ياما انا ما بكذبش مستعد اجبلك الناس اللى خد منهم الفلوس ويوروكى الوصلات اللى ماضى عليها
عواطف ولو ما دفعناش
محمود هيحبسوه ويحجزو على الورشه لحد ما ندفع فلوس الناس .... لو معاكى يااما فلوس
تقاطعه وتمسك ثيابها بيدها وبسخريه منين ياخويا منين انا بقالى كتير ما دفعتش فلوس الجمعيه
محمود انا ممكن اتصرف باى حاجه شوفى انتى كمان لو تقدرى تتصرفى ياما كله اللى ياخدو الورشه ياما دى بتاعه خالى الله يرحمه ومن بعده بنته
عواطف تمسكه مره اخرى من ياقته اخرس بقولك اخرس الورشه دى بتاعتى انا والبيت ده بيتى انا وكل حاجه بتاعتى محدش ليه حاجه فيها غيرى انت سامع محدش ليه حاجه فيها غيرى انا
محمود استغفر الله العظيم .. مش وقته ياما مش وقته المهم نلحق الورشه ياما
عواطف استنى انا عينه فلوس جوه هروح اجبهالك 
محمود الحمدلله يا منتا كريم يارب
وبعد دقائق معدوده ياتيه صوت والدته تصرخ باعلى صوووت
الحقوووونى ياناااااس ابنى سرقنى 
.
مالك يا نور فيه حاجه
هه لا ابدا ياماما مفيش
يابت عينى فى عينك كده
يا لولو مفيش يالولو انتى عارفه انى مبخبيش عليكى حاجه
طيب ياحبيبتى هى علا جت
اه من شويه ادم كان سخن عشان التطعيم .. قلتلها تعمله كمدات نشا بمايه 
ماشاء الله عليكى انتى المفروض تطلعى دكتوره
الحمدلله على كل حال يا ماما 
انا شامه ريحه اكله حلوه ... انتى طبخه ايه جوه
بعينك يا لولو 
كده برده يا نونتى اهون عليكى
لا طبعا ما تهونيشى هجبلك معلقه واحده بس ماشى
بابتسامه . ماشى يا حبيبتى وهو انا هقدر اعترض على كلام مرات ابنى
نور بحياء مرات ابنك !!!
عليه اه مش دى الحقيقه ولا هننكر 
نور احم انا بقول اروح اجبلك معلقه التورلى احسن
عليه يارب يجمع ما بينكم على خير يا ولادى يااااارب
..
بتقول ايه س رقها
محمود يجلس على مقعد ايوه سرقها يا صفاء
صفاء كام سرق منها كام
محمود سرق الفلوس اللى كانت بتحوشها من بيع الفول والايراد واى فلوس كانت بتيجى فى ايدها
صفاء كام يعنى
محمود ما اعرفش كام وهى ما قلتش كام بس الاهم انه خلالها على الحديده حتى كانت حايشه غوشتين خدهم كمان
صفاء استغفر الله العظيم من كل ذنب ... وهى عملت ايه
محمود فضلت تصوت لحد ما الناس اتلمت وانا سبتها وجيت هنا
صفاء ملكش حق يا محمود