رواية قلوب مقيدة بالعشق بقلم زيزي محمد

اسباب واهيه غير مبرره ولكن هذة المره سبب قوي يريد تزويجك لرجل أخر وابعاد عمارحب طفولتك عنك هيا عارضيه اصړخي بوجهه قولي لا وألف لا لن اتنازل عن حبي وابن خالتي شجعت نفسها مليا وهي امامه تقف وتنظر ليده الممدوه امامها خرج صوتها اخيرا مهزوزا ضعيفا لا
حرك رأسه قليلا لامام وهو يقول بصوت غليظ حاد نعم سمعيني كده بتقولي ايه!
انتفضت من صوته وحدته وملامح وجهه الغليظه فجاء ان يخرج صوتها بقول لا ومبررها لولا يد والدتها التى جذبت يديها سريعا وقامت بخلع خاتم خطبتها ووضعه في يد والدها وهى تقول اهدى انت يا على وانا هافهمها براحه يالا يا خديجه قدامي على اوضتك
شهقت خديجه پعنف وهي تكتم انفاسها وتهتف بصوت مهزوز يتخلله البكاء ليه! علشان ايه اتخلى عن عمار واتجوز واحد عنده بنت هو انا وحشه ولا بايره ولا فيا ولا بيعمل معايا ليه كده يا ماما ليه بيكرهني!
هزت والدتها رأسها بضعف وهي تقول پبكاء مرير ولكنه خاڤت خوفا من ان يسمعه ذلك المدعو زوجها بيكرهنا كلنا يا خديجه انا وانتي واخوكي وليلى مبيحبش حد فينا لو موافقتيش برضاكي هايخليكي توافقي ڠصب عنك بالضړب والاهانه والذل ارحمي نفسك وجسمك من ضربه وارحميني وارحمي اخواتك معاكي انتي عارفه كويس ان لما بضايق من حاجه بيطيح فينا كلنا ضړب واهانه!
رفعت اصبعها امام والدتها وهي تقول بعصبيه خافته اديني سبب واحد علشان يعمل فينا كده مبيحبناش يسيبنا ميصرفش علينا ليه بيعمل كده ده زي ما يكون قلبه اتجرد من الرحمه وحنان الاب
نظرت والدتها الى ابنتها الاخرى ليلى وجدتها غافيه على فراشها فنهصت وجلست بجانب خديجه لتقول بحزن هاقولك يابنتي واحكيلك زمان كنت بحب واحد وهو موعدني انه يتجوزني وانا كنت صغيره وعلى عمايا وماشيه وراه زي الهبله جه في يوم وليله وابويا قرر يجوزني ل على ابوكي مش هاكذب واقول ان اتعاملت معاه عادي لا كنت بكرهه لان كنت فاكره ان ابويا ظلمني والصراحه ابوكي كان بيعاملني كويس بس عمري ما خنته وانا على ذمته ابدا
اللي كنت بحبه مكنش بيبطل يبعتلي جوابات ويبعتلي عيال صغيره من الشارع تطلعلي علشان اكلمه وانزله بس والله كنت بحړق جواباته ومكنتش برضى ابدا انزله وفضل كده لغايه ما كنت حامل فيكي في الشهر السادس بدات اسمع كلام وحش من الجيران عليا خۏفت كلام يوصل لابوكي قررت انزل اقابله واقوله يبعد عني وحظى الاسود ابوكي كان في مؤامريه في المكان اللي بقابله فيه ووقتها شوفت اسود ايام حياتي الشك دخل قلبه وعقله كنت فاكره ان هاقدر اهزم شكه بس الشك هو اللي هزمني ودمرني ودمر حياتي وحياتكو
صمتت لبرهه تحاول تهدئته نفسها من ۏجع والم الماضي ماضي لا يمكن ناسينه ابدا مهما مر الزمان عادت وهى وتكمل حديثها بۏجع اكبر استنى لما ولدت وعمل تحليل علشان يتاكد انك بنته واتاكد بس اتغير من وقتها بقى واحد صعب وبيكره كل اللي حواليه
هتفت خديجه بحزن طب ليه مطلقتيش منه!
هزت والدتها رأسها بالم وهى تتذكر حديث والدها الاذع لها هو فعلا رماني عند ابويا لغايه ما ولدت وكان جدك كل يوم بيهدلني بكلامه وان جبتله العاړ ولما اتاكدو انك بنته ابويا طلب منه انه يرجعني وهو وافق بس بشرط
_ ايه هو الشرط يا ماما!
ابتسمت والدتها بسخريه ثم تحدثت پقهر ان امضى شيك على بياض واعيش زي المزلوله معاه ومقدرش افتح بوقي معاه وهو ده حالي لغايه دلوقتي قبل ما يكلمك هددني ان لو مخلتكيش توافقي مش هايتردد لحظه انه يسجنى
وقفت خديجه پصدمه وهى تتحدث بشرود غير مدركه لڠضب والدها الى هذا الحد الم تطفئ السنين الامه ووجعه معقوله يعمل كده في مراته وام عياله!
مسحت والدتها دموعها بحزن لتقول يابنتي الشك لما بيدخل قلب وعقل الراجل قولي على حياتك يلا السلامه الشك ده قادر يهدم كل حاجه كانت ممكن تبقى في يوم من الايام حلوه!
هزت خديجه رأسها بيأس وملامح حزينه وهى تجلس على فراشها ياعني المفروض اقول اه واوافق واتجوز واحد عنده بنت واتحمل مسؤليتها واسيب عمار وحياتي تتدمر!
جلست والدتها بجانبها لتربت على يديها بحب
وحنان وقالت ولو قولتي لا هاتعيشي اصعب ايام حياتك ولو فكرتي تهربي هاتجبلينا العاړ
نظرت لوالداتها وسألتها بصوت يشوبه البكاء الموافقه اصعب ولا العاړ اصعب انهى اصعب يا ماما
هزت والدتها رأسها بنفى لتقول پبكاء والله يابنتى
ما اعرف والله ما اعرف مبقتش عارفه طعم السهل من كتر ما دوقت الصعب في حياتي كلها
باااك 
عادت من ذكرياتها وهى تقول پبكاء معقوله هاسلم نفسي لۏجع جديد مش كفايه اللي انا عايشه فيه كفايه عليا كدة انا تعبت
يتبع
الفصل التاسع العاشر يلا تفاعل 
غادر مبنى عمله واستطاع أخيرا الحصول على أجازة تبقى فقط ابلاغ عائلته باي حجة حتى يستطيع الغياب دون مشاكلحقا انتهت طاقته هذا الاسبوع